Yevlaxda sürücü piyadanı vuraraq hadisə yerindən qaçıb

Yevlax. 8 noyabr. REPORT.AZ/ Yevlaxda sürücü piyadanı vuraraq hadisə yerindən qaçıb.

"Report"un Qərb bürosunun məlumatına görə, hadisə şəhərin Nizami küçəsində qeydə alınıb.

Sabirabad rayon sakini, 1987-ci il təvəllüdlü Natiq Əmiraslanovu naməlum avtomobil vurub. Qəzanı törədən avtomobilin sürücüsü hadisə yerindən uzaqlaşıb.

Müxtəlif bədən xəsarətləri alan piyada xəstəxanaya yerləşdirilib. N.Əmiraslanovun vəziyyətinin orta-ağır olduğu bildirilir.

Faktla bağlı araşdırma aparılır.