Yevlaxda Qarabağ kanalının bəndi dağılıb, sahələri su basıb

Qarabağ kanalının Yevlax rayon Kolanı kənd ərazisindən keçən hissəsində bənd dağılıb, ətraf ərazini su basıb.

"Report"un Qərb bürosunun məlumatına görə, Qarabağ kanalının Yevlax rayon Kolanı kənd ərazisindən keçən hissəsində bəndin bir qismi sıradan çıxıb. Nəticədə taxıl və otlaq sahələrini su basıb.

Hazırda aidiyyəti qurumların nümayəndələri texnika vasitəsilə birgə əraziyə cəlb olunub və yaranmış fəsadın aradan qaldırılması istiqamətində işlər davam etdirilir.