Yevlaxda avtomobil idarəetmədən çıxaraq ağaca çırpılıb

Yevlax. 30 noyabr. REPORT.AZ/ Yevlax rayonunda xəsarətlə nəticələnən yol-nəqliyyat hadisəsi baş verib.

"Report"un Qərb bürosunun məlumatına görə, Yevlax-Xaldan yolunda minik avtomobilinin idarəetmədən çıxaraq ağaca çırpılması nəticəsində, ilkin məlumata görə, sürücü müxtəlif bədən xəsarətləri alıb.

Yaralının Mingəçevir şəhərində yerləşən xəstəxanaya aparıldığı bildirilir. Hazırda onun şəxsiyyəti dəqiqləşdirilir.

Faktla bağlı araşdırma aparılır.

Bundan əvvəl Tovuzda ölümlə nəticələnən avtomobil qəzası baş verib.