Xankəndidə 11 avtomat, 11 qumbara və 1 qumbaraatan aşkarlanıb

Aprelin 9-da Xankəndi şəhəri ərazisində 11 avtomat, 11 qumbara və 1 qumbaraatan aşkarlanıb.

"Report" xəbər verir ki, bu barədə Daxili İşlər Nazirliyi (DİN) məlumat yayıb.

Bildirilib ki, bundan başqa, şəhər ərazisindən 4 tapança, 1 tüfəng, 3 mərmi, 14 alışdırıcı, 34 patron darağı, 1580 ədəd müxtəlif çaplı patron, 13 ədəd süngü bıçaq və digər sursatlar aşkar olunaraq götürülüb.