Xaçmaz şəhərinin böyük hissəsi işıqsız qalıb 

Xaçmaz şəhərinin böyük hissəsi işıqsız qalıb.

"Report"un Şimal bürosunun məlumatına görə, şəhərin H.Z.Tağıyev küçəsində "Ford" markalı yük avtomobili idarəetməni itirərək elektrik və internet dirəklərinə çırpılıb. Nəticədə Xaçmaz şəhərinin böyük hissəsi işıqsız və internetsiz qalıb.

Avtomobilin sürücüsü isə hadisə yerindən yayınıb.

Qəzanın fəsadlarının aradan qaldırılması istiqamətində müvafiq qurumlar tərəfindən işlər görülür.

Faktla bağlı araşdırma aparılır.