Tovuzda qohumlar arasında düşən davada hamilə qadın döyülüb

Tovuz. 26 iyul. REPORT.AZ/ Tovuz rayonunda qohumlar arasında dava düşüb, xəsarət alan var.

"Report"un Qərb bürosunun məlumatına görə, hadisə Köhnə Qala kəndində baş verib. Hələki məlum olmayan səbəblərdən qohumlar arasında mübahisə baş verib. Nəticədə, 29 yaşlı Sevinc Hidayət qızı Allahverdiyeva qardaşının qaynı tərəfindən döyülüb. 

O, yaxınları tərəfindən xəstəxanaya yerləşdirilib. Vəziyyətinin qənaətbəxş olduğu bildirilir. Məlumata görə, qadın 6 aylıq hamilədir.

Faktla bağlı araşdırma aparılır.