Tovuzda 49 yaşlı kişi göldə batıb - YENİLƏNİB

Bakı. 17 sentyabr. REPORT.AZ/ Tovuz rayonunda göldə batan şəxsin meyiti tapılıb.

Fövqəladə Hallar Nazirliyindən "Report"a bildirilib ki, rayonun Əyyublu kəndindəki göldə batdığı ehtimal olunan 1969-cu il təvəllüdlü Orucov Hamlet Paşa oğlunun axtarışları başa çatıb. 

H.Orucovun meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.

*** 13:44

Tovuz rayonunda 49 yaşlı kişi göldə batıb.

Fövqəladə Hallar Nazirliyinin mətbuat xidmətindən "Report"a bildirilib ki, Böhran Vəziyyətlərində İdarəetmə Mərkəzinə 1969-cu il təvəllüdlü Orucov Hamlet Paşa oğlunun Tovuz rayonunun Əyyublu kəndindəki göldə batması barədə məlumat daxil olub.

Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu hadisə yerinə cəlb olunub. Axtarış tədbirləri barədə əlavə məlumat veriləcək.