DİN Sumqayıtda baş vermiş bıçaqlanma hadisəsinin səbəbini açıqlayıb - YENİLƏNİB

Avqustun 2-də gecə saat 1 radələrində Sumqayıt şəhəri ərazisində 1975-ci il təvəllüdlü Sabit İsmayılovun kəsici-deşici alətlə qardaşı 1972-ci il təvəllüdlü Ədalət İsmayılova yüngül bədən xəsarətləri yetirməsi barədə polisə məlumat daxil olub.

Bu barədə "Report"a Daxili İşlər Nazirliyinin mətbuat xidmətindən bildirilib.

Sərxoş vəziyyətdə olan tərəflər arasında yaranan münaqişə şəxsi münasibətlər zəminində baş verib. Araşdırma aparılır.

Sumqayıtda qardaş qardaşı bıçaqlamaqda şübhəli bilinir.

"Report"un yerli bürosu məlumat verir ki, hadisə 10-cu mikrorayonda qeydə alınıb.

Məlumata görə, şəhər sakini, 1975-ci il təvəllüdlü İsmayılov Sabit Məmməd oğlu aralarında baş vermiş münaqişə zəminində qardaşı, 1972-ci il təvəllüdlü İsmayılov Ədalət Məmməd oğlunu bıçaqlayıb.

Faktla bağlı araşdırma aparılır.