Sumqayıtda gənc oğlanı avtomobil vuraraq öldürüb - YENİLƏNİB

Sumqayıt. 5 noyabr. REPORT.AZ/ Sumqayıt şəhərində avtomobilin vuraraq öldürdüyü gənc oğlanın şəxsiyyəti məlum olub.

"Report"un yerli bürosu xəbər verir ki, bu, 1987-ci il təvəllüdlü Ağayev Elvin Məmmədrza oğludur.

Onun meyiti müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Sumqayıt şəhər şöbəsinə təhvil verilib. Sürücü isə məsuliyyətə cəlb olunub.

***19:51
Sumqayıt. 5 noyabr. REPORT.AZ/ Sumqayıt şəhərində piyadanın ölümü ilə nəticələnən yol-nəqliyyat hadisəsi baş verib.

“Report”un Sumqayıt-Abşeron bürosunun məlumatına görə, Bakı-Quba yolunun Sumqayıtdan keçən hissəsində, H.Zeynalabdin qəsəbəsi ərazisində, gənc oğlanı maşın vurub. Yaralı aldığı xəsarətlərdən elə hadisə yerində ölüb.

Faktla bağlı araşdırma aparılır.

Bundan əvvəl Bakının Nəsimi rayonunda avtomobil piyadanı vuraraq öldürüb.