Sumqayıtda evdə partlayış olub, xəsarət alan var

Sumqayıt şəhərində evdə partlayış olub, xəsarət alan var.

"Report"un yerli bürosunun məlumatına görə, hadisə şəhərin "Betonzavod" adlanan ərazisində qeydə alınıb.

Partlayış nəticəsində Zaqatala rayon sakini, 1989-cu il təvəllüdlü Nağıyev Turac Telman oğlu termiki yanıq xəsarətləri alıb.

O dərhal Sumqayıt şəhər Təcili Tibbi Yardım Xəstəxanasına çatdırılıb.

Hadisəyə ilkin səbəb kimi qaz sızması göstərilir.