Sumqayıtda birmərtəbəli ev yanıb

Bakı. 10 mart. REPORT.AZ/ Sumqayıt şəhərində ümumi sahəsi 500 kv.m olan birmərtəbəli tikilidə 3 otağdan bir otağının yanar konstruksiyaları və ev əşyaları 40 kv.m sahədə yanıb. 

"Report"un Fövqəladə Hallar Nazirliyinin saytına istinadən verdiyi xəbərə görə, tikilinin qalan hissəsi yanğından mühafizə olunub. Yanğın saat 15:59-da yanğınsöndürənlər tərəfindən söndürülüb.