Sumqayıtda avtomobildən 8 200 manat oğurlandı

Sumqayıtda avtomobildə oğurluq hadisəsi baş verib.

Bu barədə "Report"a Daxili İşlər Nazirliyinin (DİN) Mətbuat Xidməti məlumat verib.

Belə ki, Sumqayıt Şəhər Polis İdarəsinin 2-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində aprelin 14-də H.Z.Tağıyev qəsəbəsi ərazisində “Toyota” markalı avtomobildən 8 200 manat oğurlamaqda şübhəli bilinən Abşeron rayon sakini, əvvəllər məhkum olunmuş S.İsmayılov saxlanılıb.