Sumqayıtda aptek yanıb

Sumqayıt. 3 fevral. REPORT.AZ/ Sumqayıtın məşhur apteki yanır.

"Report"un yerli bürosu xəbər verir ki, hadisə şəhərin "Dejurnu" adlanan ərazisində baş verib.

Belə ki, Sumqayıtdakı "Seymur Aptek" adlı obyektdə güclü yanğın qeydə alınıb. Əraziyə çoxsaylı yanğınsöndürənlər cəlb olunub.

Hadisə zamanı xəsarət alanların olduğu bildirilir.

***

FHN-nin yaydığı məlumata görə, Sumqayıt şəhərində ümumi sahəsi 62 m2 olan aptekin anbarının yanar konstruksiyaları və içərisində olan ləvazimatlar 30 m2 sahədə yanıb. 

Yanğınsöndürənlər tərəfindən 4 nəfər bina sakini təhlükəsiz əraziyə təxliyə olunub. Aptek yanğından mühafizə edilib.