Bakı polisi: “Bakı bu axşam” videogörüntüləri araşdırılıb

Bakı polisi: “Bakı bu axşam” videogörüntüləri araşdırılıb Sosial şəbəkələrdə “Bakı bu axşam” başlığı altında yayılan videogörüntülər tərəfimizdən tam və hərtərəfli araşdırılıb.
Hadisə
4163
1 Avqust , 2020 18:11
Bakı polisi: “Bakı bu axşam” videogörüntüləri araşdırılıb

Sosial şəbəkələrdə “Bakı bu axşam” başlığı altında yayılan videogörüntülər tam və hərtərəfli araşdırılıb. 

Bakı şəhər BPİ Mətbuat Xidmətindən "Report"a verilən məlumata görə, iyulun 31-də gecə saatlarında Nəsimi rayonu, Neftçilər prospektində onlayn fəaliyyət göstərən bir neçə kafe, restoranın inzibatçı və müştərilərinin karantin rejim qaydalarını pozmaları müşayiət olunub: 

"Oradan alış-veriş etmiş bir qrup şəxs həmin kafe və restoranların qarşısında yerləşən parkda sosial məsafəni gözləmədən 5 nəfərdən artıq qrup halında toplanaraq mövcud karantin rejimi ilə əlaqədar tətbiq edilən qaydaları pozaraq, əyləniblər. 

Yayılan görüntülərdə İnzibati Xətalar Məcəlləsinin epidemiya əleyhinə rejimin, sanitariya-gigiyena və karantin rejimlərinin pozulması hallarının tərkib əlamətləri olduğuna görə, Nəsimi RPİ tərəfindən həmin inzibati xətaları törədən hüquqi və fiziki şəxslər müəyyən olunaraq, inzibati məsuliyyətə cəlb olunublar. 

Qeyd olunanları nəzərə alaraq, paytaxt sakinlərindən tələb edirik ki, mövcud karantin rejimi ilə əlaqədar tətbiq edilən qaydalara əməl etsinlər", - deyə xəbərdə bildirilir.