Somalidə dünyasını dəyişən Kamaliya İsmayılovanın cənazəsi sabah Azərbaycana gətiriləcək

Somalidə dünyasını dəyişən Kamaliya İsmayılovanın cənazəsi sabah Azərbaycana gətiriləcək Lazımi sənədlər təqdim olunub
Hadisə
191
31 Mart , 2016 14:54
Somalidə dünyasını dəyişən Kamaliya İsmayılovanın cənazəsi sabah Azərbaycana gətiriləcək

Bakı. 31 mart. REPORT.AZ/ Somalinin paytaxtı Moqadişo yaxınlığında mikroavtobusa edilən hücum nəticəsində dünyasını dəyişən Kamaliya İsmayılovanın cənazəsinin Azərbaycana gətirilməsi üçün hazırlıqlara başlanıb. 

Bunu "Report"a dünyasını dəyişən Kamaliya İsmayılovanın həyat yoldaşı Əflatun İsmayılovun dayısı Tofiq Mikayılov bildirib. 

Onun sözlərinə görə, cənazənin Azərbaycana gətirilmasi üçün lazımi sənədlər təqdim olunub: "Bu gün günorta saatlarında Əflatun İsmayılovla danışdım. O mənə dedi ki, cənazənin Azərbaycana gətirilməsi işləri ilə məşğuldur. Bunun üçün lazım olan bütün sənədlər təqdim olunub. Sabah cənazəylə birlikdə Türkiyəyə gedəcəklər, oradan da Azərbaycana gələcəklər".

T.Mikayılov əlavə edib ki, Əflatun İsmayılov və onun ailəsi bir ildir Somalidə yaşayırdılar. Hadisə Kamaliya İsmayılova uşaqları məktəbə aparan zaman baş verib.

Son xəbərlər

Orphus sistemi