Yuxarı

Şəkidə avtobus qəzası nəticəsində yaralıların sayı 10 nəfərə çatıb - VİDEO - YENİLƏNİB-3

​Şəkidə mikroavtobus və minik avtomobili toqquşub,9 nəfər xəsarət alıb

Video əlavə olunub


***12:16

Şəki. 10 mart. REPORT.AZ/ Şəki şəhərində mikroavtobusla minik avtomobilinin toqquşması nəticəsində xəsarət alanların sayı 10 nəfərə çatıb.

"Report"un Şimal-qərb bürosunun məlumatına görə, bu, "Mercedes" markalı mikroavtobusun Qax rayonundan olan 1987-ci il təvəllüdlü sürücüsü Əliyev Akşin Adil oğludur.

O, xəstəxananın reanimasiya şöbəsinə yerləşdirilib. Vəziyyəti orta ağırdır.


***11:15

Şəki. 10 mart. REPORT.AZ/ Şəki şəhərində mikroavtobusun iştirakı ilə baş verən qəzada yaralananların adları məlum olub.

"Report"un Şimal-qərb bürosunun məlumatına görə, yaralananların əkəsəriyyəti Qaxdan Bakı istiqamətində hərəkətdə olan "Mercedes" markalı mikroavtobusun sərnişinlərdir.

Yaralılar bunlardır:

Bakı sakini - 53 yaşlı İsa Bədrəddin oğlu Hacıyev

Cəlilabad rayon sakini - 26 yaşlı Fərid Zakir oğlu Səmədov ("Prado"nun sürücüsü)

Qax rayon sakini - 24 yaşlı Elməddin İsrafil oğlu İsrafilov

Qax rayon sakini - 36 yaşlı Tural Abdulla oğlu Babayev

Qax rayon sakini - 25 yaşlı Nailə Nəsib qızı Seyidova

Qax rayon sakini - 22 yaşlı Abdul Məcid oğlu Seydəliyev

Bakı sakini - 26 yaşlı Ülfət Qulam oğlu Məmmədli

Qax rayon sakini - 32 yaşlı Neyman Nəriman oğlu Nurməmmədov

Qax rayon sakini - 5 yaşlı Vüqar Emin oğlu Həzrətov

Şəki Rayon Mərkəzi Xəstəxanasından "Report"a verilən məlumata görə, yaralılardan 25 yaşlı Nailə Seyidovanın vəziyyəti ağır olduğundan o, reanimasiya şöbəsinə yerləşdirilib. Digər yaralılar cərrahiyyə şöbəsində müalicə olunur.


***10:44:

Şəki. 10 mart. REPORT.AZ/ Şəki şəhərində 9 nəfərin xəsarət alması ilə nəticələnən yol qəzası baş verib.

"Report"un Şimal-qərb bürosunun məlumatına görə, hadisə səhər saatlarında İsmayıllı-Qaraməryəm-Şəki magistralının yolun Şəki rayonu Köbər Zəyzid kəndi ərazisindən keçən hissəsində qeydə alınıb.

"99-HD-777" dövlət qeydiyyat nişanlı "Toyota Prado" markalı avtomobillə "Mercedes Vito" markalı mikroavtobus toqquşub.

Nəticədə 9 nəfər bədən xəsarətləri ilə Şəki Rayon Mərkəzi Xəstəxanasına çatdırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi