Yuxarı

Şəki Pentensiar Xidmət Müəssisəsindən azadlığa buraxılan 14 məhkumdan birinin 80 yaşı var - FOTO - VİDEO - YENİLƏNİB

Şəki Pentensiar Xidmət Müəssisəsindən azadlığa buraxılan 14 məhkumdan birinin 80 yaşı var - FOTO - VİDEO - YENİLƏNİB

1259

Şəkidə əfv sərəncamının icrasına başlanılıb
© Report.az

Şəki. 17 mart. REPORT.AZ / Şəki Pentensiar Xidmət Müəssisəsindən 80 yaşlı məhkum azadlığa buraxılıb.

"Report"un Şimal-qərb bürosunun məlumatına görə, Yevlax rayon sakini 1937-ci il təvəllüdlü Məmmədiyə Seyid oğlu Məmmədov Prezident İlham Əliyevin sərəncamına əsasən əfv olunub. 

Qeyd edək ki, M.Məmmədov Cinayət Məcəlləsinin 120.1 (qəsdən adam öldürmə) maddəsi ilə 7 il müddətinə azadlıqdan mərhum edilib. Cəzasının bitməsinə 2 il, 8 ay, 20 gün qalmış azadlığa buraxılıb.

***10:01

Şəki Penitensiar Xidmət Müəssisəsindən 14 nəfər azadlığa buraxılıb.

"Report"un Şimal-qərb bürosunun məlumatına görə, Prezident İlham Əliyevin imzaladığı əfv sərəncamının Ədliyyə Nazirliyi Penitensiar Xidmətin Şəki Penitensiar Xidmət Müəssisəsində icrasına başlanılıb.

Buraxılış vərəqələrini alaraq azadlığa çıxanlar çox sevincli olduqlarını söyləyiblər. Bayram öncəsi bu sevinci onlara yaşatdığına görə, Prezident İlham Əliyevə minnətdarlıqlarını bildiriblər.

Qeyd edək ki, Prezident İlham Əliyevin imzaladığı “Məhkum edilmiş bir sıra şəxslərin əfv olunması haqqında” sərəncam 423 nəfərə şamil edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi