Salyanda iki avtomobil toqquşub, xəsarət alanlar var

Salyan rayonunda yol-nəqliyyat hadisəsi baş verib, xəsarət alanlar var.

"Report"un məlumatına görə, iki avtomobilin toqquşması nəticəsində 1997-ci il təvəllüdlü İbrahimzadə Seyidəmir Xaliq oğlu və onun həmyaşıdı Nəcəfov Nadir Tahir oğlu xəsarət alıblar.

Yaralılar təcili tibbi yardımın köməkliyi ilə xəstəxanaya çatdırılıb və həkim nəzarətinə götürülüb.

Hadisənin təfərrüatı araşdırılır.