Salyanda avtomobil qadını vuraraq xəsarət yetirib

Salyanda 1 nəfərin xəsarət alması ilə nəticələnən yol-nəqliyyat hadisəsi olub.

“Report”un Aran bürosunun məlumatına görə, hadisə axşam saatlarında rayonun Ərəbqardaşbəyli kəndində baş verib.

Salyan şəhəri 20 Yanvar küçəsində yaşayan 1974-cü il təvəllüdlü Babayeva Sahilə Şaban qızı yolda dayanan zaman onu “Jiquli” markalı avtomobil vurub. Nəticədə qadın müxtəlif dərəcəli bədən xəsarətləri alıb. Yaralı Salyan Mərkəzi Rayon Xəstəxanasına yerləşdirilib.

Faktla bağlı araşdırma aparılır.