Salyanda avtomobil 16 yaşlı velosipedçini vurub

Salyan. 26 iyul. REPORT.AZ/ Salyanda velosiped sürən oğlanı avtomobil vurub.

“Report”un Aran bürosu xəbər verir ki, hadisə şəhərin 20 Yanvar küçəsində qeydə alınıb.

Belə ki, həmin ünvanda yaşayan, 16 yaşlı Əmrah Oqtay oğlu Məmmədovu idarə etdiyi velosipedlə hərəkətdə olarkən “Jiquli” markalı avtomobil vurub. Nəticədə müxtəlif dərəcəli bədən xəsarətləri alan velosipedin sürücüsü Salyan Mərkəzi Rayon Xəstəxanasına çatdırılıb. Xəstəxanada ilkin tibbi yardım göstərildikdən sonra yaralı Travmatologiya şöbəsinə yerləşdirilib. Vəziyyətinin orta-ağır olduğu bildirilir.

Faktla bağlı araşdırma aparılır.