Yuxarı
    Bağlamaq

    Sabirabadda baş verən yol qəzasında 1 nəfər ölüb, 3-ü yaralanıb

    Qəzada yaralanan şəxs xəstəxanada keçinib

    Sabirabad. 11 iyul. REPORT.AZ/ Sabirabadda 1 nəfərin ölümü, 3 nəfərin xəsarət alması ilə nəticələnən yol qəzası baş verib.

    “Report”un Aran bürosu xəbər verir ki, rayonun Sarıxanbəyli kəndində “VAZ-2107” markalı avtomobillə motosikletin toqquşması nəticəsində müxtəlif dərəcəli bədən xəsarətləri alan Salyan sakini, 37 yaşlı Vüsal Tapdıq oğlu Abdullayev Salyan Rayon Mərkəzi Xəstəxanasına (SRMX), Sarıxanbəyli kənd sakinləri - 40 yaşlı Ramin Əmrah oğlu Əliyev, 31 yaşlı Rəşad Taqət oğlu Əliyev, 40 yaşlı Tural Kamil oğlu Məmmədov isə Şirvan Şəhər Mərkəzi Xəstəxanasına yerləşdirilib.

    Vüsal Abdullayev SRMX-nin Cərrahiyyə şöbəsində əməliyyat olunub, lakin vəziyyəti ağır olduğu üçün həkimlərin səylərinə baxmayaraq əməliyyat masasında dünyasını dəyişib.

    Faktla bağlı araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi