Sabirabad rayonunda baş vermiş qəzada ölən şəxsin kimliyi məlum olub.
"Report"un Mil-Muğan bürosunun məlumatına görə, Hacıqabul-Horadiz avtomobil yolunun rayonun Bulaqlı kəndindən keçən hissəsində "VAZ-2107" markalı avtomobillə "Mercedes" markalı minik maşını toqquşub.
Qəza nəticəsində "VAZ-2107" markalı avtomobilin sürücüsü, Sabirabad rayon, Qalağayın kənd sakini, 1959-cu il təvəllüdlü Fərzalıyev Fərzalı Salman oğlu aldığı xəsarətlərdən dünyasını dəyişib.
Faktla bağlı araşdırma aparılır.
***15:53
Sabirabad rayonunda ölümlə nəticələnən yol qəzası baş verib.
"Report"un Mil-Muğan bürosunun məlumatına görə, hadisə Hacıqabul-Horadiz avtomobil yolunun rayonun Bulaqlı kəndindən keçən hissəsində qeydə alınıb.
Qəza zamanı 2 maşın toqquşub, xəsarət alanlardan birinin öldüyü bildirilir.