Sabirabadda körpü qəzalı vəziyyətə düşüb - FOTO

Sabirabad. 7 sentyabr. REPORT.AZ/ Sabirabad rayonunda körpünün qəzalı vəziyyətə düşməsi çətinliklər yaradıb. 

“Report”un Aran bürosu xəbər verir ki, rayonun Rüstəmli kəndi ərazisindən keçən Mil-Muğan kollektoru üzərindəki körpü çöküb.

Yerli sakinlərin dediyinə görə, son bir həftədə vəziyyət daha da təhlükəli həddə çatıb. Avtomobillərin körpü üzərindən keçməsi olduqca təhlükəlidir.

Körpünün qəzalı vəziyyətə düşməsi səbəbi ilə Rüstəmli kəndi və Yeni Zəngilan qəsəbəsinin sakinləri rayon mərkəzinə kənd təsərrüfatı məhsullarının daşınmasında çətinliklərlə qarşılaşırlar. Körpünün çökmüş hissəsinə ağaclar vasitəsilə nişanlar qoyulub ki, bədbəxt hadisələr baş verməsin.

Qeyd edək ki, bu barədə aidiyyati qurumlara məlumat verilib.