Sabirabadda iki avtomobil toqquşub

Sabirabad rayonunda xəsarətlə nəticələnən yol-nəqliyyat hadisəsi baş verib.

"Report"un məlumatına görə, hadisə Sabirabad rayonununda qeydə alınıb. İki avtomobilin toqquşması zamanı 1995-ci il təvəllüdlü Abışov Taleh Mirzəməmməd oğlu xəsarət alıb. Yaralı əvvəlcə rayon xəstəxanasına çatdırılıb. Lakin vəziyyəti ağır olduğundan Bakıda yerləşən xəstəxanaların birinə göndərilib. Müayinə zamanı ona alın nahiyəsinin kəsilmiş yarası diaqnozu qoyulub.

Hadisənin təfərrüatı araşdırılır.