Sabirabadda avtomobil məktəblini vuraraq ağır xəsarət yetirib

Sabirabad. 19 oktyabr. REPORT.AZ/ Sabirabad rayonunda avtomobil məktəblini vuraraq ağır xəsarət yetirib. 

“Report”un Mil-Muğan bürosunun məlumatına görə, hadisə oktyabrın 19-da günorta saatlarında rayonun Güdəcühür kəndində qeydə alınıb. 

Belə ki, “Nissan” markalı, 10 MX 218 dövlət qeydiyyatı nişanlı avtomobil yolu keçən ikinci sinif şagirdi, 2011-ci il təvəllüdlü Zeyqəm Teymur oğlu Xələfovu vurub və ağır vəziyyətdə olan yaralını Şirvan Şəhər Mərkəzi Xəstəxanasına çatdırıb. Hazırda reanimasiyada olan azyaşlının vəziyyəti ağır olaraq qiymətləndirilir.

Faktla bağlı araşdırma aparılır.