Yuxarı

Sabiq direktor Təhsil Nazirliyini məhkəməyə verib

O, məhkəmədən müvafiq əmrin ləğv olunmasını xahiş edib

Bakı. 3 fevral. REPORT.AZ/ Azərbaycan Müəllimlər İnstitutunun Salyan filialının keçmiş direktoru Tovuz Eminli Təhsil Nazirliyini məhkəməyə verib. "Report" xəbər verir ki, sabiq direktor Nəsimi rayon Məhkəməsinə müraciət edərək nazirliyin onun işdən çıxarılması ilə bağlı verdiyi əmrin ləğv edilməsini xahiş edib. Nəsimi rayon Məhkəməsi müraciəti təmin etməyib. İşə Bakı Apelyasiya və Azərbaycan Ali Məhkəməsində baxılıb. Ali Məhkəmə aşağı instansiya məhkəməsinin qəbul etdiyi aktı ləğv edib.

Təhsil Nazirliyindən "Report"un sorğusuna cavab olaraq bildirilib ki, Azərbaycan Müəllimlər İnstitutunun Salyan filialının direktoru Tovuz Eminli vəzifə funksiyalarının icrasında ciddi nöqsanlara yol verdiyinə görə Əmək Məcəlləsinin 70-ci maddəsinin “Ç” bəndinə əsasən Təhsil Nazirliyinin 03.06.2013-cü il tarixli 11/491 nömrəli əmri ilə tutduğu vəzifədən azad edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi