Bakı. 28 aprel. REPORT.AZ/ Rusiyanın İrkutsk vilayətində gənc azərbaycanlı itkin düşüb.
"Report" Rusiya mətbuatına istinadən xəbər verir ki, 1984-cü il təvəllüdlü Əliyev Ramal Fərman oğlunun itkin düşməsi barədə polisə məlumat aprelin 23-də daxil olub.
Onun qohumlarının sözlərinə görə, ötən şənbə oğlan hazırda işlədiyi Mərkəzi bazara gedib və oradan evə qayıtmayıb. Hazırkı vaxtadək onun harada olduğu məlum deyil.
İtkin düşən şəxs qara gödəkcə, boz şalvar və qara rəngli dəri ayaqqabıda olub.