"Report"un xüsusi müxbiri Ukraynada mükafatlandırılıb

Ukrayna Mədəniyyət və İnformasiya Siyasəti Nazirliyi "Report" İnformasiya Agentliyinin əməkdaşını təltif edib.

"Report"un məlumatına görə, bu barədə ölkənin mədəniyyət və informasiya siyasəti naziri Rostislav Karandeev əmr imzalayıb.

Nazirin imzaladığı xüsusi əmrlə Rusiyanın Ukraynada apardığı müharibə boyu obyektiv və operativ jurnalist fəaliyyətinə görə "Report" İnformasiya Agentliyinin və "Baku" TV-nin Şərqi Avropa üzrə xüsusi müxbiri Mübariz Aslanov təşəkkürnamə ilə mükafatlandırılıb.