Quba rayonunda bayram günü yol qəzasında xəsarət alan sərnişin xəstəxanada ölüb.
"Report"un Şimal bürosunun verdiyi məlumata görə, hadisə ötən il dekabrın 31-də Quba-Qonaqkənd avtomobil yolunun İkinci Nügədi kəndi ərazisindən keçən hissəsində qeydə alınıb.
Belə ki, Qara çayın üzərindəki körpüdən minik avtomobili aşıb. Nəticədə 2 nəfər müxtəlif dərəcəli bədən xəsarətləri alıb. Yaralılardan - Quba rayonunun Rustov kənd sakini Əfqan Qadir oğlu İmanquluyevin vəziyyəti ağır olduğundan Bakıya göndərilib. O, ötən gün paytaxtda müalicə aldığı xəstəxanada ölüb.
Mərhum bu gün yaşadığı kənddə dəfn olunub.