Quba-Xaçmaz yolunda avtoqəza olub, yaralılar var

Quba-Xaçmaz yolunda avtoqəza baş verib, yaralılar var.

“Report”un Şimal bürosunun məlumatına görə, hadisə Quba-Xaçmaz avtomobil yolunun Aleksiyevka kəndindən keçən hissəsində qeydə alınıb.

Belə ki, “Opel” markalı avtomobil hərəkətdə olarkən idarəetmədən çıxaraq yol kənarındakı ağaca çırpılıb. Qəza nəticəsində Quba-Xaçmaz yolu bağlanıb, yolda uzun tıxac yaranıb.

İlkin məlumata görə, üç nəfər yaralanıb. Onlar 1972-ci il təvəllüdlü Eldarova Xalidə Ağazər qızı, 1981-ci il təvəllüdlü Hüseynov Pərviz Eynulla oğlu və 2001-ci il təvəllüdlü Mirzəyeva Gültəkin Sabir qızıdır.

Faktla bağlı araşdırma aparılır.