Qəbələdə kliniki ölüm keçirdiyi bildirilərək dəfn edilən şəxsin yumruqla öldürüldüyü məlum olub

Qəbələdə kliniki ölüm keçirdiyi bildirilərək dəfn edilən şəxsin yumruqla öldürüldüyü məlum olub Qəbələ rayonunda kliniki ölüm keçirdiyi bildirilərək dəfn edilən şəxsin yumruq zərbəsi nəticəsində öldüyü məlum olub.
Hadisə
467
3 Avqust , 2019 12:05
Qəbələdə kliniki ölüm keçirdiyi bildirilərək dəfn edilən şəxsin yumruqla öldürüldüyü məlum olub

Qəbələ rayonunda kliniki ölüm keçirdiyi bildirilərək dəfn edilən şəxsin yumruq zərbəsi nəticəsində öldüyü məlum olub.

Daxili İşlər Nazirliyinin (DİN) Mətbuat xidmətindən "Report"a verilən məlumata görə, cari il iyulun 31-də Qəbələ rayonunun Dızaxlı kəndi ərazisində kənd sakini Teymur Səfərçinovun üzərində zorakılıq əlamətləri görünməyən meyiti tapılıb.

Onun kliniki ölüm keçirməsi bildirilmiş və avqustun 1-də kənd qəbristanlığında dəfn edilib.

Araşdırmalarla həmin gün qeyd edilən kəndin ərazisində T.Səfərçinovla həmkəndlisi N.Rəhimov arasında münaqişə baş verməsi və sonuncunun onu (baş nahiyəsinə) yumruqla vurduğundan ölməsi müəyyən edilib.

Polis və prokurorluq əməkdaşları tərəfindən həyata keçirilmiş istintaq və əməliyyat-axtarış tədbirləri nəticəsində N.Rəhimov tutulub.

Faktla əlaqədar Cinayət Məcəlləsinin müvafiq maddəsi ilə cinayət işi başlanıb.

Son xəbərlər

Orphus sistemi