Qazaxda yaşlı kişini elektrik cərəyanı vuraraq öldürüb - YENİLƏNİB

Qazax rayonunda elektrik cərəyanı vurması nəticəsində ölən şəxsin kimliyi məlum olub. 

"Report" xəbər ki, rayon sakini, 1962-ci il təvəllüdlü Şəadət Qədimov çardaqda işləyən zaman onu cərəyan vuraraq öldürüb. 

Hadisə yerinə hüquq-mühafizə orqanlarının əməkdaşları və Təcili Tibbi Yardım Stansiyasının həkimləri cəlb olunub. Onun meyiti müayinə olunması üçün "morq"a təhvil verilib. 

Faktla bağlı araşdırma aparılır. ***14:13 Qazax rayonunda yaşlı kişi elektrik cərəyanının vurması nəticəsində ölüb.

"Report"un Qərb Mərkəzinin məlumatına görə, hadisə rayonun Xanlıqlar kəndində qeydə alınıb. 

Belə ki, fərdi yaşayış evinin çardağında işləyən orta yaşlı kişini ehtiyyatsızlıqdan elektrik cərəyanı vurub. O aldığı xəsarətdən hadisə yerində ölüb. 

Faktla bağlı araşdırmalara başlanılıb.