"QAYĞI uşaq reabilitasiya mərkəzi"nin facebook səhifəsi oğurlanıb

Bakı. 16 noyabr. REPORT.AZ/ "Qayğı - Sağlam Nəsil Naminə" İctimai Birliyinin nəzdində olan "QAYĞI uşaq reabilitasiya mərkəzi"nin facebook səhifəsi oğurlanıb. 

İctimai Birlikdən "Report"a verilən məlumata görə, səhifənin şifrəsi noyabrın 14-də qırılıb: "Problemlə bağlı Facebooka bir neçə dəfə rəsmi şikayət göndərilib. Hazırda həmin səhifədə bizim mərkəzə aid olmayan məlumatlar, şəkillər paylaşılır. "QAYĞI uşaq reabilitasiya mərkəzi"nin səhifəsinin oğurlanması ilə bağlı digər səhifələrimizdə də elanlar vermişik".