Qaxda qardaşların xəsarət alması ilə nəticələnən yol qəzası olub.
"Report"un Şimal-qərb bürosunun məlumatına görə, hadisə Şəki-Qax avtomobil yolunun Qax rayonu ərazisindən keçən hissəsində baş verib.
Belə ki, minik avtomobili arxa təkərinin partlaması səbəbindən idarəetmədən çıxaraq ağaca çırpılıb. Qəza nəticəsində avtomobildə olan iki qardaş - rayonun Qaysarlı kənd sakinləri, 1980-ci il təvəllüdlü Zahid Aydın oğlu Kərimov və 1983-cü il təvəllüdlü Natiq Aydın oğlu Kərimov aldıqları müxtəlif dərəcəli bədən xəsarətləri ilə Qax Rayon Mərkəzi Xəstəxanasına yerləşdirilib.
Faktla bağlı araşdırma aparılır.
![](https://static.report.az/photo/37e6c32b-5e60-32b2-9dc5-2b92bdb3da99_300.jpg)
![](https://static.report.az/photo/7a3a96c2-7b75-33d4-85ab-bf47cb4b20e5_300.jpg)
![](https://static.report.az/photo/d6de9146-0896-35c2-9131-db40efd818e3_300.jpg)