Qax Mərkəzi Rayon Xəstəxanasında yanğın olub - FOTO

Qax Mərkəzi Rayon Xəstəxanasında yanğın olub - FOTO Yanğın şöbə müdirinin otağında baş verib
Hadisə
162
23 İyul , 2017 15:29
Qax Mərkəzi Rayon Xəstəxanasında yanğın olub - FOTO
Foto: Report.az

Qax. 23 iyul. REPORT.AZ/ Günorta saatlarında Qax Mərkəzi Rayon Xəstəxanasında yanğın hadisəsi baş verib.

"Report"un Şimal-qərb bürosunun məlumatına görə, xəstəxananın ikinci mərtəbəsində, Cərrahiyyə şöbəsi müdirinin otağında baş verən yanğın nəticəsində ümumi sahəsi 15 kv.metr olan otaq və otağın içərisindəki əşyalar tamamilə yanıb.

Yanğın güclü olmadığından, yanğınsöndürənlər hadisə yerinə gələnə qədər tibb işçilərinin səyi nəticəsində yanğının qarşısı alınıb. Hadisə yerinə Qax Yanğından Mühafizə Hissəsinin iki yanğınsöndürən maşını və şəxsi heyəti cəlb olunub, yanan əşyalar xəstəxanadan çıxarılıb.

Yanğın zamanı xəstəxanada müalicə olunan xəstələrdən heç biri xəsarət almayıb.

Qeyd edək ki, yanğın zamanı otaq bağlı olub və şöbə müdiri otaqda olmayıb.

Son xəbərlər

Orphus sistemi