Yuxarı

​Paytaxtda köməksiz vəziyyətdə qalmış üç nəfər xilas edilib

Hadisələr Nəsimi və Suraxanı rayonlarında qeydə alınıb

Bakı. 31 mart. REPORT.AZ/ Bakı şəhəri, Nəsimi rayonunda mənzildə 1 nəfər bağlı qapı arxasında köməksiz vəziyyətdə qalıb.

"Report"un Fövqəladə Hallar Nazirliyinin (FHN) rəsmi saytına istinadən verdiyi məlumata görə, nazirliyin xilasetmə qüvvələri hadisə yerinə cəlb olunub. Xilasedicilər giriş qapısını açaraq mənzilə baxış keçirib, yatmış vəziyyətdə aşkarlanmış vətəndaşı aidiyyəti üzrə təhvil veriblər.

Bundan başqa, Bakı şəhəri, Suraxanı rayonunda yaşayış binasının liftində 2 nəfər köməksiz vəziyyətdə qalıb. Hadisə yerinə cəlb olunmuş xilasedicilər liftin qapılarını açıb və vətəndaşların liftdən çıxmasına şərait yaradıblar. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi