Ötən il qeydə alınan 31 min 131 cinayətin 87,3 faizinin üstü açılıb

"Prokurorluq və daxili işlər orqanlarının qarşılıqlı və effektiv əməkdaşlığı nəticəsində ötən il qeydə alınmış 31 min 131 cinayətin 87,3 faizinin açılması təmin olunub".

"Report"un xəbərinə görə, bu barədə Baş prokuror Kamran Əliyev Baş Prokurorluqda keçirilən geniş kollegiya iclasında bildirib.

O deyib ki, bu cinayətlərin 94,2 faizinin prokurorluq və daxili işlər orqanlarının səlahiyyətləri çərçivəsində istintaqı və təhqiqatı aparılan hüquqazidd əməllər təşkil edib.