Oğuzda qadın sürücü on yaşlı uşağı vurub

Oğuz rayonunda piyadanın vurulması ilə nəticələnən yol-nəqliyyat hadisəsi baş verib.

"Report"un Şimal-qərb bürosunun məlumatına görə, hadisə bu gün günorta saatlarında Oğuz şəhəri ərazisində qeydə alınıb.

Belə ki, 2011-ci il təvəllüdlü Nur Babək qızı Məmmədova yaşadığı evin qarşısında qadın sürücünü idarə etdiyi avtomobil tərəfindən vurulub.

Yaralı kəllə-beyin travması ilə ilk olaraq Oğuz Rayon Mərkəzi Xəstəxanasına, daha sonra vəziyyəti ağır olduğundan Mingəçevir şəhərinə göndərilib.

Faktla bağlı araşdırma aparılır.