Oğuzda güclü küləyin aşırdığı ağaclar yolu bağladı

Oğuz rayonunda güclü külək nəticəsində ağaclar yola aşıb.

"Report"un Şimal-qərb bürosunun məlumatına görə, bu gün səhər saatlarından başlayaraq şimal-qərb bölgəsində güclü külək əsir.

Nəticədə İsmayıllı-Qaraməryəm-Şəki avtomobil yolunun Oğuz rayonun ərazisindən keçən hissəsi bağlanıb. Buna səbəb ağacların güclü külək nəticəsində yola aşmasıdır.

Hazırda rayonun Kərimli kəndi istiqamətində yol bağlıdır. Digər yollarda isə yolun açılması üçün işlər görülür. Güclü külək davam edir.