Bakı. 4 avqust. REPORT.AZ/ Bakıdakı çimərliklərdən birində qadının telefonu oğurlanıb.
“Report” DİN-ə istinadən xəbər verir ki, hadisə Binəqədi rayonunun Novxanı qəsəbəsində qeydə alınıb.
Buradakı dəniz çimərliyində Abşeron rayon sakini Günay Cəfərliyə məxsus mobil telefon oğurlanıb.
Binəqədi Rayon Polis İdarəsinin 4-cü Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakini Cəmaləddin Ağabəyov tutulub.