​Nərimanov rayonunda şirniyyat mağazası yanıb

Bakı. 23 may. REPORT.AZ/ Axşam saatlarında Bakının Nərimanov rayonunda doqquzmərtəbəli yaşayış binasının 1-ci mərtəbəsində yerləşən vətəndaşa məxsus şirniyyat mağazasında yanğın olub.

"Report" xəbər verir ki, hadisə nəticəsində mağazanın yanar konstruksiyaları və içərisində olan rəflər 66 kv.m sahədə yanıb.

Mağazanın qalan hissəsi yanğından mühafizə olunub. Yanğın saat 23:15-də yanğınsöndürənlər tərəfindən söndürülüb.