"Neftçi” Rəhman Hacıyevlə müqavilənin müddətini artırıb

Bakı. 28 iyun. REPORT.AZ/ "Neftçi” klubu futbolçusu Rəhman Hacıyevlə müqavilənin müddətini artırıb.

"Report"un klubun rəsmi saytına istinadən məlumatına görə, 24 yaşlı yarımmüdafiəçi ilə 2018/2019-cu illər mövsümünün sonunda bitməli olan anlaşma daha 1 il müddətinə uzadılıb.

Yeni müqaviləyə görə, Hacıyev 2019/2020 –ci illər mövsümünün sonunadək ağ-qara formanı geyinəcək.

Azərbaycan millisinin də üzvü olan futbolçu ötən mövsüm 32 oyunda 6 qola imza atıb.

Bundan əvvəl Ruslan Abışov, Kirilo Petrov, Məhəmməd Mirzəbəyov və Emin Mahmudovla müqavilə yenilənib.