Naxçıvanda avtomobil aşıb, beş nəfər xəsarət alıb

Naxçıvanda beş nəfərin xəsarət alması ilə nəticələnən yol-nəqliyyat hadisəsi baş verib.

"Report"un yerli bürosunun məlumatına görə, hadisə Naxçıvan-Sədərək magistralının Püsyan kəndi (Şərur rayonu) ərazisində qeydə alınıb.

Yüksək sürətlə hərəkət edən 68-BD-567 dövlət nömrə nişanlı "Mercedes" markalı avtomobil yoldan çıxaraq aşıb.

Hadisə nəticəsində xəsarət alan 1976-cı il təvəllüdlü Şərur rayonu Düdəngə kənd sakini Əliyev Hicran Musa oğlu, Şərur rayonu Cəlilkənd sakini Şirəliyeva Surna İsa qızı (1949), Cəlilkənd sakini Hüseynova Roza İsa qızı (1954), Düdəngə kənd sakini Şirəliyeva Könül Mirismayıl qızı (1978) və Şirəliyev Ümid Hicran oğlu (2001) xəsarət alaraq xəstəxanaya yerləşdiriliblər.

Yaralılar hadisə yerinə gələn Kəngərli rayonu Dövlət Yanğından Mühafizə Hissəsinin (DYMH) qəza xilasetmə bölməsi tərəfindən xilas edilib.

Onlar Şərur Mərkəzi Xəstəxanasına yerləşdiriliblər.

Hadisə yerinə polis əməkdaşları cəlb edilib, faktla bağlı araşdırma aparılır.