Mingəçevirdə əli traktorun altında qalan sürücü iki barmağını itirib

Mingəçevir. 22 noyabr. REPORT.AZ/ Mingəçevir şəhərində sürücü bədbəxt hadisə nəticəsində iki barmağını itirib.

"Report”un Şirvan bürosu xəbər verir ki, 1965-ci il təvəllüdlü şəhər sakini Salahov Kamran Mayıl oğlu domkratdan istifadə yolu ilə traktorunu təmir etmək istəyib.

Lakin domkrat traktorun altından yayınıb və sürücünün əli nəqliyyat vasitəsinin altında qalıb. Ağır xəsarət alan yaralı xəstəxanaya yerləşdirilib. Onun iki barmağını yarıdan itirdiyi bildirilir.

Bundan əvvəl Tərtərdə 70 yaşlı kişi laqonda ilə ayağını kəsib.