Masallıda “Ford” və "KamAZ" toqquşub, xəsarət alan var

Masallıda baş verən qəzada iki nəfər xəsarət alıb.

"Report"un Cənub bürosunun məlumatına görə, hadisə Ələt-Astara magistralının Masallı rayonu ərazisindən keçən hissəsində qeydə alınıb.

Belə ki, Fuad Həsrətovun idarə etdiyi "Ford" markalı yük maşını hərəkətdə olarkən idarəetməni itirib və mişar daşı ilə dolu olan "KamAZ" markalı avtomobilə çırpılıb. Qəza nəticəsində “Ford” markalı avtomobilin sürücüsü və bir sərnişini ağır dərəcəli bədən xəsarətləri alıblar.

Yaralılar rayon xəstəxanasına çatdırılıblar.

Faktla bağlı araşdırma aparılır.