Kəlbəcərə icazəsiz keçmək istəyən koronavirus xəstəsi saxlanılıb

Kəlbəcərə icazəsiz keçmək istəyən koronavirus xəstəsi saxlanılıb Kəlbəcər rayonuna icazəsiz keçmək istəyən koronavirus xəstəsi saxlanılıb.
Hadisə
140
15 Dekabr , 2021 10:44
Kəlbəcərə icazəsiz keçmək istəyən koronavirus xəstəsi saxlanılıb

Kəlbəcər rayonuna icazəsiz keçmək istəyən koronavirus xəstəsi aşkarlanıb.

Daxili İşlər Nazirliyinin (DİN) Gəncə regional qrupundan "Report"a verilən məlumata görə, Göygöl Rayon Polis Şöbəsinin (RPŞ) əməkdaşları komendant postunda xidmət aparan zamanı müvafiq icazəsi olmadan Kəlbəcər rayonuna getmək istəyən şəxsi saxlayıb.

Araşdırmalar zamanı Qazax rayon sakini Yaşar Allahquliyevin eyni zamanda COVID-19 infeksiyasına yoluxduğu üçün ev şəraitində müalicə olunmalı olduğu halda yaşayış yerini tərk etmsi də müəyyən edilib. RPŞ əməkdaşları müəyyən edilən tibbi prosedurlar gözləməklə onu yaşadığı ünvana geri qaytarıb.

Faktla bağlı RPŞ-nin İstintaq Bölməsində araşdırmalar davam etdirilir.

Goranboy RPŞ əməkdaşları tərəfindən keçirilən müvafiq tədbirlər nəticəsində də koronavirus testinin nəticəsi pozitiv çıxan, rayonun Şəfəq kənd sakini Fərid Sərdarlının ev şəraitində müalicə almasına baxmayaraq, karantin qaydalarını kobud şəkildə pozaraq, yaşadığı ünvanı tərk etməsi müəyyən edilib.

Polis əməkdaşları dərhal onun rayon ərazisində yerini müəyyən edərək, müəyyən edilən tibbi prosedurlar gözlənilməklə yaşadığı evə göndərib.

Faktla bağlı araşdırmalar davam etdirilir.

Son xəbərlər

Orphus sistemi