İsmayıllıda Vətən müharibəsi veteranı qəzaya düşərək ağır xəsarət alıb - FOTO

İsmayıllı rayonunda Vətən müharibəsi veteranı qəzaya düşüb.

"Report"un məlumatına görə, hadisə rayonun Heydər Əliyev prospektində baş verib.

Belə ki, VAZ-2107 markalı avtomobil VAZ-2106 markalı avtomobillə toqquşub. Nəticədə VAZ-2107-nin sürücüsü 2000-ci il təvəllüdlü Məlikov Oruc Nazim oğlu ağır bədən xəsarətləri alıb.

Yaralı İsmayıllı Rayon Mərkəzi Xəstəxanasına yerləşdirilsə də, vəziyyətinin ağır olması və xəstəxanada lazımi tibbi avadanlıqların olmaması səbəbindən Göyçay Rayon Mərkəzi Xəstəxanasına aparılıb və orada əməliyyat olunub. Hazırda reanimasiyadadır. Vəziyyəti sabitdir.

Qeyd edək ki, Oruc Məlikov Prezident İlham Əliyevin sərəncamı ilə "Cəbrayılın azad olunmasına görə" medalı ilə təltif edilib.