Yuxarı
    Bağlamaq

    İki piyadanı maşın vuraraq öldürüb

    Faktlarla bağlı araşdırma aparılır

    Bakı. 15 oktyabr. REPORT.AZ/ Azərbaycanda iki piyadanı maşın vuraraq öldürüb.

    “Report”un xəbərinə görə, bu barədə Daxili İşlər Nazirliyi məlumat yayıb.

    Belə ki, oktyabrın 14-də saat 18 radələrində Sabunçu rayonu ərazisində Zabrat qəsəbə sakini Nəsib Orucov idarə etdiyi “VAZ-2104” markalı avtomobillə yolu keçən Bakı şəhər sakini Rasim Həsənovu vurub. R.Həsənov oktyabrın 15-də N.Orucovun evində ölüb.

    Faktla bağlı Sabunçu Rayon Polis İdarəsi araşdırma aparır.

    Digər analoji hadisə Abşeron rayonunun Masazır qəsəbəsində qeydə alınıb. Oktyabrın 14-də saat 23 radələrində Abşeron rayonunun Masazır qəsəbəsində müəyyən edilməyən avtomobillə yolu keçən qəsəbə sakini Azad Allahverdiyev vurulub. Xəstəxanaya yerləşdirilən piyada orada ölüb.

    Faktla bağlı Abşeron Rayon Polis İdarəsi tərəfindən əməliyyat-axtarış tədbirləri aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi