İrandan Azərbaycana narkotik keçirməyə cəhd göstərən şəxs saxlanılıb

Bakı. 23 aprel. REPORT.AZ/ İrandan Azərbaycana narkotik maddələr keçirməyə cəhd göstərən şəxs saxlanılıb. 

Bu barədə "Report"a Dövlət Sərhəd Xidmətinin (DSX) Mətbuat xidmətindən bildirilib. 

Məlumata görə, Dövlət Sərhəd Xidmətinin sərhəd nəzarətinin əməkdaşlarının sa­yıqlığı və vəzifə borclarının icrasına məsuliyyətlə yanaşması nəticə­sin­də külli miqdarda narkotik vasitənin ölkə ərazisinə gətirilməsinin qar­şısı alınıb.

Belə ki, “Biləsuvar” dövlət sərhədinin buraxılış məntəqəsində İran İslam Respublikasından rəsmi qaydada Azərbaycan Respub­li­ka­sına gələn, 1979-cu il təvəllüdlü, Azərbaycan Respublikası və­təndaşı Əzizov Gülmirzə Adil oğlu saxlanılıb və şəxsi baxış nəti­cəsində üzə­rin­də 2500 qram tiryək, 500 qram heroin aşkar olun­ub.

Fakt üzrə əməliyyat və istintaq tədbirləri davam etdirilir.