İmişlidə iki uşaq anası intihar edib

İmişli rayonunda 37 yaşlı qadın intihar edib.

"Report"un Mil-Muğan bürosunun məlumatına görə, hadisə rayonun Çaxırlı kəndində qeydə alınıb.

Belə ki, həmin kəndin sakini, 1982-ci il təvəllüdlü Nərgiz Adil qızı Əsədova atası evinin bağında özünü ağacdan asaraq öldürüb.

Məlumata görə, iki uşaq anası olan N.Əsədova ruhi xəstəlikdən əziyyət çəkirmiş. Bu səbəbdən həyat yoldaşı işə gedərkən onun evdə tək nəzarətsiz qalmaması üçün mütəmadi olaraq atası evinə aparırmış.

Faktla bağlı araşdırma aparılır.